انتظار

انتظار

کسی بہانے سے کوئی جو میرا جی بہلاۓ

جدائی میں تری، یہ بھی ہے ناگوار مجھے

ہزار بار کا بیھٹا ہوں آزمودہ نصیب

ہزار ہو ترے وعدے کا اعتبار مجھے

ہر اجنبی کو بتاتا ہوں نام میں اپنا

ترے پیام کا کتنا ہے انتظار مجھے

کمال ہے یہ زوال شباب کا میرے

خزاں کی یاد دلاتی ہے ہر بہار مجھے

میرا خیال کچھ نہیں

تیری نظر میں وقعت فضل و کمال کچھ نہیں

میری نگاہ میں قیمت مال و منال کچھہ نہیں

اک یہی ملال ہے اور ملال کچھ نہیں

سب کا تمھیں خیال ہے، میرا خیال کچھ نہیں

آس کسی کی توڑنا کیسا ہے عام اصول

میرا سوال چھوڑ دو، میرا سوال کچھ نہیں

مجھ کے ستا کے بے خطا، دل نہ کہیں دکھے تیرا

تیرا مجھے خیال ہے، اپنا ملال کچھ نہیں

مجھ سا شکستہ حال اور دونوں جہاں سے بے نیاز

تیری نظر کا فیض ہے، میرا کمال کچھ نہیں۔

سوچتا چہرہ

سوچتا چہرہ ہتھیلی پر لئے بیٹھی ہے وہ

کاروبار حسن میں ألججھا ہوا شاید دماغ

انگلیوں کے ناخن رخ پہ چسپاں زلف کی لہروں کے پاس

برف پر جیسے فروزاں ہوں دھنواں دیتے چراغِ